د. حمد الصفيان سوا لي الخطه كامله
والترجيع كان طالع اجازه وسوتها لي د . هند الفردوس
-الحركه طبيعيه اتحرك بشويش
من اول يوم طلعت تغديت وتعشيت برى
بحكم اني من خارج الرياض نمت
واليوم الثاني رحت لبيتي
يبعد ساعه وثلث من الرياض
بعدين عشت حياتي طبيعي
اطلع لبيتي دور ثالث واسوق اتحرك اشتغل فالبيت شغل خفيف بدون جهد
-الاكل ابتعدت عن الممنوعات
مثل القرفه العسل التمر و القهوه .. الخ
كثرت بروتين وشرب ماء كثير
و اول ٣ ايام كثرت خس وخيار
والاكل الباقي طبيعي جداً
حامل اللهم لك الحمد في التجربه الثالثه
بعد تجربتين فاشله
يارب تمم لي ع خير و سهل علي
وعقبال باقي الاخوات يارب 🥺❤️
احرصوا على الصلاه الابراهيميه
خليها دايم على لسانك
والله انها جلاء للكرب وانشراح للصدر
وسبب في جلب الرزق
احرصي على نفسيتك
تكون مرتاحه ومستعده للتجربه
وادخليها ب ثقه وايمان بالقدر خيره وشره
واجعلي تعلقك بالله لا تعتمدين على اي اجراء
او كلام طبيب ، الرزق من الله عز وجل
الله يكرم كل متأخره بالحمل الطبيعي