كان معاي هرمون الحليب مرتفع من زمان والحمد لله نزل
قالت الدكتوره استخدم جرعة وقائية
دوستنكس نصف حبة في الاسبوع ما اوقفه الى حدوث الحمل
و اوقفه بعد الارجاع مع جميع الفيتامينات ما عدا الفوليك
عملت لي الدكتورة ٣ مرات تحليل الاستراديول
في فترة التنشيط قبل الابرة التفجيرية
قالت احيانا يطلعوا بويضات كثار لكن وقت السحب يطلعو اكياس ماء او بويضة فارغة
والتحليل هو اللي بيحكم
اذا هذي بويضات ممتازة او لا ..
نمط الحياة أثناء التجربة :
مرتاحة واذا امشي على خفيف في شقتي
وقالوا لي حتى لو ارتحت
بين كل ساعتين او ثلاث ساعات
اقوم امشي ١٠ دقايق في بيتي
عشان ابرة السيولة يوصل الدم للأجنة
وطبقتها الحمد لله
طلعت درج ونزلت كذا مره اضطراري بهدوء
الدكتورة قالت لي اول ٣ ايام اصلي على كرسي
وما استحم اول ٣ ايام وصبرت الحمدلله كان برد 🙄
الأكل : عادي من البيت ومن برا
قطعت السكريات صرت مهتمه بالفواكه والخضروات
وانا ما اشرب قهوة من الاساس فالحمد لله
حامل 🤰🏻😭 ماشاء الله ربي لك الحمد والشكر
الحمد والشكر يااااارب
مهما شكرنا مانوفي حق الشكر
الله يتقبل صبرنا بشكرنا القليل 😭
دعواتكم لي بتمام الحمل واسمع النبض يااارب
الفرحة ودموع الفرح ماتنوصف
عقبال كل من يتمنى
كنت اقرأ التجارب واقول
بيجي اليوم اللي اكتب تجربتي 🤰🏻
بنية حفظ وثبات الأجنة :
التزمت الصدقة يوميا
سورة الاخلاص يوميا ١٠٠ مره
بعد كل صلاة اقرأ ٧ مرات آية الكرسي
سورة يس بعد صلاة الصبح والعشاء
و اردد ياحفيظ ٦٦ مره يالطيف ٦٦ ياقدوس ٦٦
اعتمرت قبل دورة الارجاع وقبل التنشيط بكم يوم
ودعيت ربي وجبت لي ماي زمزم
وكل يوم صرت اشرب علبة ماي زمزم في فترة الترجيع
العفو كتبت كثيير
لكن كنت اقرأ حرف حرف يكتبوه البنات في التجارب
عشان اطبق مثله دعواتكم لي بالتمام 💗💗💗