عشت الحياه طبيعي جداً ، اول ماطلعت من العمليه اكلت بطاطس ماك و 6 ايام اشرب عصير رمان مع الشمندر و كثرت اكل توت ، و شربت لبن مع النشا طول فترة الانتظار ، بالنسبه للقهوه حبيبة الكل للامانه قطعتها قبل الارجاع ب اسبوعين و بعدها صرت اشربها في فترة الانتظار ع خفيف مره كابتشينو و مره قهوه سعوديه ، اكلت كل شي الا المقلي و الدسم و النيء ( كنت البس شراب طول فترة الانتظار يقولون انه يدفي الرحم و حرصت على ان قدمي تكون دافيه )
بالنسبه للحركه اول يوم خرجت من المستشفى امشي عاادي بس اول ما وصلت الفندق كنت بدون حركه
ثاني يوم رحت امشي بالمول 10 دقايق و رجعت ، ثالث يوم مسكت خط و كان فيه مطبات بس الحمدلله عدت على خير و سلامه
و بعدها صرت اتحرك خفيف مررره و طلعت و نزلت ثلاث مرات درج بيتي 3 ادوار في فترة الانتظار
حاولت ابعد عن التوتر قد مااقدر و اشغلت نفسي بكل شي احبه و كنت ارتب البيت على خفيف و اطبخ على خفيف
الحمدلله الحمدلله ماشاءالله ولاحول ولاقوة إلا بالله ، ربي كتب لي الحمل وشفت الكيس و شفت الجنين ، دعواتكم اشوفه بين يدي كامل الخَلق و الخُلق سليم و معافى
كنت اقرأ البقره يومياً ، و اقرأ الرقيه و اتحصن و صلاة الليل قد مااقدر و صلاة الضحى و توكلت ع الله و دعيته بيقين تااااام و كنت واثقه ربي مايخيب ظني
دخلت العمليه و قلت وكلتك يارب امري و استودعت ربي نفسي و اجنتي و سويت تحليل منزلي اليوم 7 و الحمدلله طلع خطين خفيفه و الحمدلله من قبل و من بعد
و لا تنسووون الصدقه الصدقه شي عظيممم و ادعوا دايما ربي يجبر قلبكم و يعوضكم .