أول شي الصلاة صليت وأنا قائمة ماجلست الا في مواضع الجلوس عشت هالفتره نفس أيامي المعتادة بدون اجهاد غير محتمل ، بعد عملية الارجاع ماكملت ١٠ دقايق ورحت دورة المياة أعزكم الله ورجعت البيت اخذت شاور ، طلعت بعد الارجاع بثلاث ساعات صالون عملت Spa أيدي وأقدام من باب تغيير النفسية وبالليل طلعت مطعم ، ويومياً أطلع من البيت وأطلع درج وسافرت فترة الانتظار (سيارة )
حاولت أقضي وقتي بأشياء أحبها عشان ما أتوتر
الأكل نفس المعتاد اللي كنت أكله قبل وكان الأغلب من المطعم كنت أضيف شطة على أغلب أكلي وشربت شاي وقهوة وغازيات وأكلت شوكلت وشيبسات (ماكانت يوميه بس مامنعت نفسي من اي شي أبداً ) ، متوكلة على الله اقرأ اذكاري وأحصن نفسي وربي هو خير الحافظين
الحمدلله من قبل ومن بعد حامل دعواتكم ربي يتمم لي على خير ويجعله من ذريتي 🤍
نجحت معاي قبل ٦ شهور لكن أجهضت والحمدلله ربي كريم بعطائه 🙏🏻
قبل أبدأ التنشيط استشرت دكتوري نبدأ من جديد أو يراجع زوجي عند دكتور ذكورة ممكن تتحسن حالته
لكن نصحني نبدأ تنشيط (ونفحص أجنة) لأن علاج الرجال ياخذ وقت طويل والحمدلله عوض ربي عظيم من أصل ٩ أجنة طلع لي هذا الجنين بإذن الله من ذريتي 🤍
✨أهم شي بنات في هالعملية بعد التوكل على الله النفسية واختاروا المختبر والدكتور بعناية 👌🏻 اللي يفهم حالتك ويغير لك في الخطة العلاجية ويسمع لك
وعسى ربي مايضيع سعي أحد ويرزقكم وكل من يتمنى هالفرحة بإذن الله ويتمم على خير 🤍
شككراً مشرفات قروب الأمل ، شكراً لكل بنت جاوبت على أسئلة البنات ودعت وطبطبت الله يكتب أجركم جميعاً ويجعلها في موازين حسناتكم 🤍