كنت منتظمه على حبوب الغده والحمدلله غدتي نزلت من ثمانيه لواحد ونص
ونصيحه اي وحده بتسوي ترجيع تتاكد غدتها اقل من ٢.٥
من بعد الارجاع من اول ماطلعت من المستشفى مشيت للسياره وبعدها شفت الوقت لسى بدري ورحت مول تمشيت
وكان ودي اقضي للعيد وبعدها رجعت الشقه ارتحت حق ساعتين كذا وبعدها طلعت مطعم تغدينا وكنت امشي عادي
واليوم الثاني الصباح كانت رحلتي عاد مشيت بالمطار وكنت اصلي عادي ورجعت بيتي وسويت الغدا
عشت حياتي طبيعي تماما عدا اني أتجنب حمل الاشياء الثقيلة (فوق ١٠ كيلو) ، اشرب كاسة قهوة مرة يوميا، اكل اللي احب كنت مستمتعه وراضيه بكل اللي ربي بيقدره لي
رجعت بيتي وسويت حمله تنظيف لاني عارفه لو مانظفت مابرتاح ، طبعا الادعية والتحصين يوميا والتوكل على الله
مافي اي اعراض واجهتني بفترة الانتظار لدرجه احيانا انسى اني مرجعه
حللت منزلي ليله رمضان وكان اليوم السادس من الترجيع الصدق كان عندي يقين ان ربي بيفرحني قبل رمضان وسويته وطلع ايجابي يالله يافرحتي ابكي واسجد 😭😭
الله يذوقها كل من يتمنى ❤️❤️وبعدها سويت الهرموني يوم ١٢ والحمدلله النسبه تمام ومن فضل الله وحده
دعواتكم الله يتمم حملي على خير 💜✨
الحمدلله على عوض ربي لي قبل سته اشهر سويت الترجيع وفشلت ورضيت بامر الله وعرفت ان الخيره فيما اختاره الله لي
والحمدلله مابعد الصبر الا الفرج توكلو على الله وفوضو اموركم له والله يرزقكم جميعاً ذريه صالحه سليمه ❤️❤️
الاشياء اللي سويتها اول شي التوكل على الله وكان على لساني انا علي السعى والباقي افوضه لله الصدقه بانواعها عندي عصافير بالبيت اعطيها اكل ونيتي دايم رضاء الله والجنه الصلاه الابراهيميه 🥹❤️
قريت عنها وصرت دايم على لساني والدعاء في كل الاوقات لي ولكل محروم من الذريه بس والله نيتي كانت رضاء الله لان اذا رضاء الله عني هيئ لي الاسباب والحمدلله .