ولا شي عشت حياتي بشكل طبيعي جدًا حاولت اني مااسوي اي ضغط على نفسي من ناحية انه لازم اكل معين او حركات معينة
التزمت الراحة فقط اول يومين حتى من الاستحمام صراحة بعدين تصرفت طبيعي بس الاستحمام بمويا عادية اقرب للباردة بس
مسكت التحصين أقرأ يوميا سورة الفاتحة ٧ مرات على بطني + اية ١٢٧ – ١٢٨ من سورة النحل ٧ مرات وانفث على بطني وكوب مويا
برضو سورة الفاتحة ٧ مرات وكثرة الصلاة على النبي صلى الله عليه وسلم + الاستغفار + كنت اقرا تاج الذكر ١٠٠ مرة على بطني وانفث واستودع الله يوميا اللي في بطني
الحمدلله حامل بفضل الله وحده
كانت لي تجارب سابقة خارج السعودية سويت مرة حقن مجهري فرش وفشلت بسبب جهلي في استخدام الادوية
كنت استخدمها بمزاجي اي وقت احسب عادي وبعدها رجعنا سوينا مجمد وفشلت بدون سبب واضح لكن أصلا كان جنين ودرجته ماهي كويسة
وبعدها اتجهنا لدكتور حسين صبان وسوينا عنده ارجاع فرش وصار حمل بتوأم ولكن في الاسبوع الخامس بدأ ينزل معايا دم كثير نوعا ما وما وقف
مع انه زود لي المثبتات ولمن سوينا سونار طلع فيه تجمع دموي وواحد من الاجنة كان مش كويس والدكتور قال احتمال ينزل ولا سمعنا النبض أصلا
السونار اللي بعده قال لنا توقف النمو لكل الاجنة وصار اجهاض
وسويت بعدها تحليل الاجسام المضادة قال ممكن يكون هذا السبب ولكن طلع مافي اشكالية الحمدلله عندي من هذي الناحية
بعدها اخذنا راحة كم شهر ورجعنا مرة تانية للدكتور عشان عندنا مجمد وسوينا ارجاع اجنة مجمدة والحمدلله صار حمل
بس دعواتكم لنا بثبات الحمل وانه نسمع النبض هذي تعتبر رابع تجربة الحمدلله كل شي كويس إلى الان بس لسا ماسوينا سونار ولا شي
بس فيه دم برضو لكن مايعتبر كثير زي هذيك المرة لكن الله ييسر لنا من عنده
قبل بداية الحقن بفترة كنت ملتزمة بالاستغفار والصلاة على النبي محمد صلى الله عليه وسلم ورقية سورة الفاتحة
والكثرة من تاج الذكر واسأل لله لنا ولكم الذرية الطيبة حسان الخلقة والخلق