متأخره ١٠ سنوات تقريباً و عملت ٦ تجارب سابقه كنت فيها ملتزمه الراحه التامه والحركه يادوب
وكانت تجيب لي غلقه ونفسيتي تصير مره شينه من كثر ما امنع نفسي من كل شيء ومانجحت
هالمره يارب لك الحمد من قبل ومن بعد وماشاء الله تبارك الرحمن اول يومين تقريباً كنت مرتاحه اليوم الثالث بديت امشي بالبيت ع خفيف تقريبا ١٠ دقايق بالبيت بس بهدوووء
وكان عندي احتقان وقتها وكحه قويه لدرجه تقومني من النوم لكن يارب لك الحمد اذا اراد امراً قال له كن فيكون سبحانه
الاكل عادي جدا الحمدلله اللي تشتهينه كوليه لكن طبيعي القرفه والاشياء الحاره لا اي شيء ممنوع ع الحامل ابتعدي عنه
القهوه شربت بشكل متفرق مره بعدين قطعتها تماماً حاولت اكثر فواكه عصيرات خضار مويه واستودع الله الي ببطني دائماً وفوضت أمري له
الصلاه يابنات بوقتها والتحصين وقرآه الفاتحه ع بطنك ٧ مرات مع الاذكار وقبل النوم والصدقه الصدقة الصدقه والدعاء والقيام والضحى
ادعوا بخشوع وخضوع وتذللوا للخالق سبحانه والحوا بالدعاء وربي مايضيع تعب احد ودايم خلو ببالكم الرزق بيجي بالوقت الي ربي كاتبه وفيه خير لك مهما كان التأخير ولاتنسون الدعاء لاخواتكم المتأخرات سواء تعرفونهم او بشكل عام جميع المسلمات