الثلاث الاولى راحه بعده عشت حياتي طبيعيه استحميت ثالث يوم من الترجيع القهوه والشاهي اشرب فنجال وكاسه باليوم الأسبوعين اغلبه اكل مطاعم
النفسيه مهمه لهااااا دوررر جدااا ابعدي عن الجو الي يضايقك ويعكر يومك ٤ محاولات كلها فاشله هالمره اهتميت بنفسيتي اكثر من الاكل والحركه
ماامتنعت من شي بس الاكل السبايسي مااكلته القرفه العسل ما اكله ، الادويه خوذيها بانتظام بوقتها
لاتفكرين وقت الانتظار اشغلي نفسك لاتبحثين وتراقبين الأعراض ماله دخل كل محاولتي الفاشله نفس الالام ماتغير ولاشي نفس الالام
الالام دوره الأسبوع الثاني من الترجيع بالجل فيه افرزات بنيه واكلت دفاستون مرتين موجود لحد الان بس الدكتور قال لا تهتمين احيانا يكون من الجل
قراءه البقره يوم ورى يوم ، سوره مريم ، يس ، الصافات ، الواقعه
الصدقه تجبر القلوب وجبرت قلبي صدق
جلست بمكه وكل جمعه اروح للحرم وابكي بين يدي الله والله ماخيب دعائي اللهم لك الحمد ..

الحمدلله اللهم لك الحمد والشكر لك بعد ١٠ سنوات من الحرمان سمعت كلمه مبروك حامل
دعواتكم ان الله يتمم لي حملي ويرزق كل محروم عاجلا غير اجلاً