اسم دكتور الذكوره للزوج : د. عمرو جاد وبعده د. عبدالله الفاخري
عشت حياتي طبيعي جدا غير كل التجارب السابقه سويت ترجيع و على طول فضيت المثانه وبعدها طلعت اتغدا وبعدها رجعت مترو وكانت اغلب طلعاتي بالمترو ويكون فيها مشي كثير الدكتوره قالت عيشي طبيعي جدا واتحرك في البيت واوقات اطبخ واقات الاكل من برا واغسل وانظف وانزل درج كل يوم بيتي في الدور الثاني ومامنعت نفسي من اي اكل واشرب قهوه تركيه كل يوم ، وقهوة عربية اوقات وشاي كان تجيني اعراض الدوره بالضبط واقول خلاص اكيد بتنزل الدوره ماكنت احس الا باعراض الدوره
الحمدلله حامل بفضل الله ، هذي التجربة كانت غير من قبل ادخلها قلت بتوكل على الله ولا افكر ، انا لي 3 تجارب فاشلة اول تجربة في مدينة الملك فهد مانجحت وسحبو 5 بويضات وتلقحت 3 ورجعت اثنين وماثبتو بعدها رحت عند د. بندر العبدالكريم ودخلنا في دوامة التشوهات لانها 99 والتكسر 26 وجلسنا سنه ننتظر ينزل وفي الاخير قال خزعه سوا له الخزعة الدكتور عمرو جاد وجمدنا و طلعت معايه 3 بويضات ورجعت ومانجحت والتجربه الثانيه زاد لي المنشطات الى 600 وطلعت 4 بويضات وكمان فشلت قال الله يعوضك يابنتي عندك نقص حاد اتوقع مخزونك 0.02 وتحطمت وسويت عندهم المخزون طلع 1.39 ورحت عند غادة وعادت لي التحاليل وسونار وقالت كل شي تمام ممكن بس نوع المنشطات ماناسبتك واصريت عليها تسوي لي بلازما ومنظار قبل عمليتي في مدينة الملك فهد بشهر والحمدلله المنظار قالت فيه احمرار في بطانة الرحم واعطتني مضاد لمدة 14 يوم
والتجربة الرابعه الحمدلله غيرت لي د. منى البروتوكول وطلبت من زوجي يروح لدكتور عبدالله الفاخري عشان يشوف اذا العينة تكون بالقذف او خزعه وقال لا مايحتاج خزعه مدام فيه عدد والحمدلله انا حامل بعد انتظار 9 سنوات ، كنت كل يوم قبل انام اتصدق في منصة شفاء وسويت من تطبيق الراجحي خانة أوامر مستديمة لجمعية الايتام وحددت مبلغ ويسحبون كل شهر ، وادعي واقرأ كل يوم جزء او عشر صفحات ، واقرأ ع بطني مع اذكار الصباح والمساء الفاتحة 7 مرات ، ادعو لي بالتمام واسأل الله العلي العظيم ان يرزقني ويرزقكم ❤️